AR-i NSCN(K) nung Dy. Secy ka apu

Kohima, Metsüremi 12 (TYO): NSCN(K) züngsem aliba osang nung ajemdaker Metsüremi 11, 2018 nü IGAR (North) kübok Kohima Battalion, Assam Rifles-i police densema Kohima nung Jail Colony tesem mita ao, ta AR sangdong ka nung metetdaktsü.
Mita aoba mapang nung Assam Rifles-i Ghukhuyi village, Zunheboto District nung alir Zuhevi Chopy’er jabaso arishi küm 29, NSCN(K) nung Deputy Secretary rank, Ukehtho Z Chopy apu, aser pai Kohima jila aser temeket tesemtem nung sen akhangba nung shilem agia lir ta nangzükogo, ta sangdong nungsa shia lir.
Pa ket nungi GPRN indang 06 x Cash Receipt aser office of the Urban Town Commander NSCN (K) indang 02 x Letter Pad apu; maneni bushisüngdangtsü atema pa den pa ket nungi apubatemji South Police Station Kohima ket nung agutsü, ta kasa sangdong ajanga metetdaktsü.