Nagaland tesem ajungalen Financial literacy training agutsütsü

Kohima, Metsüremi 12 (TYO): India nunger stock exchange tulutiba, National Stock Exchange of India Limited (NSE) indang subsidiary reju, NSE Academy aser Nagaland Board of School Education (NBSE) na longjemer Nagaland state tesem ajungalen secondary level kaketshirtem nem financial literacy training agutsütsü, ta tanü ketdangsertem osang ka ajanga metetdaktsü.
2017 küm session nungi tenzüka NBSE-i NSE academy indang Financial Literacy course ya Class IX aser Board kübok higher secondary schools ajunga nung compulsory kümja liasü. 2018 küm nungibo Class X-a züngoktsü.
Concepts of Financial Literacy, ta ajaba Financial Literacy course ya NSE Academy-i design asü aser iba course ajanga kaketshirtemi Finance & Financial Planning basics metettsü.
Iba mapatong dak sendakba nung NSE Academy-i NBSE registered school tem nung NBSE kübok Classes IX & X nung iba course sayur tesayurtem nem training agutsür.
2018 academic session atema anogo ka training shilem ana- Class X tesayurtem aser Class IX tesayurtem, küma lemsar Metsüremi 7-9, 2018 anogotem nung agiogo.
NBSE nung register süa aliba school tem nungi tesayur 204 Board office, Kohima nung training agiogo, aser shisalen sayurji, NSE Academy faculty, Malhaar Majumdar liasü.
Shisalen sayuri financial planning, investments, modern day banking, borrowing, financial markets, mutual funds ama onüktem nung tesayuba aguja liasü. Iba dak alia training nung economics indang basics-a sayu.
Taküm iba course atema kaketshir 30,000 dak tema tenüng züluoktsü imlar.
NBSE Chairman, Asano Sekhose-i, tanü putu nung tanurtemi tarutsü nung senotsü dak sendakba nükjidong yua lira finance indangji meteta alitsüla, aser iba ama financial literacy course ajanga parnok sempet arangshia nükjidong ataloktsü, ta ashi.
Laisa tesayurtem dang kaketshirtem nem senotsü dak sendakba shisatsü rajemdaktsütsü ajungshia liasü.