Super Cup draw sangdongogo, final round Metsüremi 31 nungi tenzüktsü

New Delhi, Metsüremi 12 (Agencies): Hero Super Cup mezüng edition final round atema draw asayaba sentong ka All India Football Federation Headquarters, New Delhi nung aliba Football House nung Küptoknü agiogo. Iba draw ya AIFF Senior Vice President Subrata Dutta, AIFF General Secretary Kushal Das, FIFA Development Officer Prince Rufus aser Delhi Soccer Association President Dr. Shaji Prabhakaran nungertemi ketdangsüa agi.
Final round ya knock-out yimya nung Metsüremi (March) 31 nungi tenzüka Kalinga Stadium, Bhuwaneshwar nung asayatsü aser iba asayamung nung Hero Indian Super League aser Hero I-League nungi temaba team trok den qualifier asaya pezü nungi takokertem asayatsü.
Iba asayamung final ya Rongchii (April) 20, 2018 nung asayatsü renemogo. Saka AFC Cup nung Bengaluru FC aser Aizawl FC asayatsü sentong aliba ajanga quarter-finals asayatem atema anogo ya khen lirang metetdaktsütsü.
Qualifier ya Hero ISL aser Hero I-League nung jenjang 7buba nungi 10 nung alirtem tsüngta asayatsü aser item asaya ya Metsüremi 15 aser Metsüremi 16 nü kasa tesem nung asayatsü.
Iba draw asayaba sentong nung jempiba mapang, “Hero Super Cup ya Hero Indian Super League team den Hero I-League club tem shilem agitettsüsa yanglu. Iba tournament ajanga India nung football renoktsüsa asameyanga ayongtsü,” ta AIFF Senior Vice President, Datta-i ashi.
Hero Super Cup tatembangba draw yamai alitsü:
Metsüremi (March) 31, 2018: Chennaiyin FC vs Aizawl FC.
Rongchii (April) 1, 2018: Bengaluru FC vs Qualifier 2 (NorthEast United vs Gokulam Kerala FC takoker).
Rongchii 1, 2018: Qualifier 1 (Delhi Dynamos vs Churchill Brothers takoker) vs Mohun Bagan.
Rongchii 2, 2018: Minerva Punjab FC vs Jamshedpur FC .
Rongchii 3, 2018: FC Goa vs Qualifier 4 (ATK vs Chennai City FC takoker)
Rongchii 4, 2018: FC Pune City vs Shillong Lajong.
Rongchii 5, 2018: Kingfisher East Bengal vs Qualifier 3 (Mumbai City FC vs Indian Arrows takoker).
Rongchii 6, 2018: NEROCA FC vs Kerala Blasters.
Quarter-finals: Khen lir sangdongtsü.
Rongchii 16: Semi-final 1.
Rongchii 17: Semi-final 2.
Rongchii 20 : FINAL