Bidya Devi tanaben Tir inyaktsü shimteter

Kathmandu, Metsüremi 13 (Agencies) : Nepal lima tetsürtem rongnungi mezüngbuba Tir menden nung amenla, Bidya Devi Bhandari tanü Sangtennü ano tanabenren atema shimtetogo.
Tir menden atema agiba election nung tang teinyakdak Tir, Bhandari-i Nepali Congress lenir Kumari Laxmi Rai madak takok tulu ngutetogo.
Arishi küm 56 tain Bhandari ya CPN-UML kübok ruling Left alliance aser CPN (Maoist Centre) den tanga telok tila kari nungit.
Nepal nung tetsürtem rongnungi mezüngbuba Tir ka ama 2015 küm la iba mendeni atu.
Federal Parliament nung tatar 148 aser Provincial Assemblies nungi 243 rongnung jagi CPN-UML teloki anguba vote-ji ajak agi 23,356 lir.
Ano CPN (Maoist Centre) teloki parliament nung tatar 65 aser provincial assemblies tatar 108 nungi vote 10,319 angur; ibaji meyokteper vote 10,319 ajunger.
Nepali Congress-i parliament nung menden 76 aser provincial assemblies nung 113 nungi ajak agi vote 11,428 dang angur.
Anungji Sanghiya Samajbadi Forum-Nepal aser tanga telok tila karia nungiter asünung Bhandari-i ayong-ayonga vote 26,921 angur.