Alima nung PC tilatiba India nung sayaogo

New Delhi, Metsüremi 13 (Agencies): Taiwan nung amenoka aliba electronics telok Elitegroup Computer System (ECS) puri ‘Windows’ operating system nung amenoka yangluba alima nung PC (Personal Computer) tilatiba PC “LIVA Q”, Sangtennü (Tuesday) India nung sayaogo.
Iba LIVA Q nung Windows 10 Home operating system inoka yanglua aliba jenjangji sen 15,000 alitsü aser OS (Operating System) keta mali PC jenjang 13,500 alitsü. Saru ajak agütsüba sülen PC jenjangji iba ya asütsü. LIVA Q ya company indang authorized partners, reseller channel aser e-commerce portals ajanga alitettsü.
“‘LIVA’ nüngo tejakleni bener oa onoki tang alima ajunga nung PC nguya aliba rongnung tilatiba Palm-size ‘LIVA Q’ sayaba sangdonger,” ta India Elitegroup Computer Systems manager, Rajshekhar Bhatt-i sangdong ka ajanga metetdaktsü.
Iba ‘pocket-sized’ device ya tasazük 70x70x31.4mm aser tozük gram 260 lir. Iba PC nung ‘Intel Apollo Lake SOC processors tasenba aser Windows 10 operating system inoka yanglua lir. PC nung 4GB RAM aser 32GB (embedded Multi-Media Controller) MMC storage den storage 128GB tashi atsülanga benshitettsü atema microSD card support densema yanglua lir.
Iba device nung connectivity tsütsü reprangdangra Wi-Fi, Bluetooth 4.1, Q Gigabit LAN, HMDI 2.0 port ka, USB 3.1 port ka aser USB 2.0 port ka inoka yanglua lir.
Iba device ajangasa ‘dual network’ option den connect süa amshitettsü asoshi maongka agütsür. Iba device nung VESA (Video Electronics Standards Association) mount keta aliba angutsü aser ibaji ajanga device ya mobitor aser TV tesülen idaka yutettsü.