CWG nung India team Manpreet-i anitsü

New Delhi, Metsüremi 13 (Agencies): 2018 Gold Coast nung 21buba Commonwealth Games asayamung Rongchii (April) 4 nungi tenzüka asayatsü aser iba asayamung nung India tebur hockey team-i linük tenung nungi asayatsü atema Sangtennü (Tuesday) parnok 18 shimogo. India telok Pool B nung lir aser parnok Pakistan, Malaysia, Wales aser England den asayatsü. India team Rongchii (April) 7 nü Pakistan den asayatsü.
Iba asayamung nung India team lenitsü asoshi midfielder Manpreet Singh-i captain aser vice-captain Chinglensana Singh Kangujam shimtetogo. 2017 Asia Cup asayamung nung Manpreet Singh lenibsüa kübok India teloki takok ngutetta lir.
India team nung Rupinder Pal Singh-i anir Harmanpreet Singh, Varun Kumar, Kothajit Singh, Gurinder Singh aser Amit Rohidas nungeri defence asayatsü. Goalkeeper PR Sreejesh asütsü aser pa den külemi arishi küm 22 tain Suraj Karkera-a shimogo.
Midfield nung captain Manpreet Singh-i tongti shilem agitsü aser pa den yarisema Chinglensana, asayar tasen Sumit aser Vivek Sagar Prasad nungeri asayatsü. ‘Attack’ asayatsü atema SV Sunil, Akashdeep Singh, Mandeep Singh, Lalit Kumar Upadhyay, Gurjant Singh aser Dilpreet Singh nunger shimogo.
Tawa New Zealand hockey international asayamung nung Dilpreet Singh aser Vivek Sagar Prasad na mezüngbuba shilem agi aser tenadi asaya tongtibangtem nung goal idakja liasü.