SDAO Mangkolemba-i oilpalm tsünütsü indang tesayuba agütsü

Dimapur, Metsüremi (March) 13 (TYO): Agriculture department, Mangkolemba-i Metsüremi (March) 13, 2018 nü oilpalm tsünüba indang training ka ayongzüka agi.
Iba training nung shisalen sayurji SDAO Mangkolemba A. Temsu Aier liasü.
Mangkolemba Sub-Division nung oilpalm tsünütsü kanga tajung kechiyong iba tesem nung tzü-mopung aser temo aketba ali tajung lir ta shisalen sayuri ashi.
Paisa, oilpalm tsünütsü indang tesayubatem agütsü.
Sentong nung mendenji Masaliba A.O. II liasü aser Mayangsangba A.F.A-i anküp tepela o jembi.
Iba training nung aluyimer 30 shi aden.