Yimjung Tezüngzüktep nung Manipur litsü mekongshitsü Centre dang mepishi

Imphal, August 31 (Agencies): Imphal, August 31 (Agencies): Hombar nü Manipur Assembly-i telatetba tasen ka lateta, tawa sign asüba ‘Peace Accord’ ajanga state litsü nung mekongshitsüla ta Centre nem temepishiba ka agütsüogo.
Iba telatetba ya Chief Minister Okram Ibobi Singh-i pusema latet aser yangji, “North-east tesemtem nung yimjung bener arutsü asoshi India sorkar o NSCN(IM) nati August 3 nü mulungtepa Yimjung Tenangzüktep agibaji pela agizüker, ajisüaka iba ya ajanga Manipur state litsü nung temelenshi kecha madokdaktsütsüla,” ta shia lir.
Kasa telatetba nung Union sorkar dang, kongshia alirtem ajak, talisa Manipur-i agizükteta iba yimjung maparen ya tashishitsü malitsüla aser tang benoka aliba mapa küma inyaktsü merangdang mangatettep madoktsüsa tasen mebenoktsüla, ta shia lir.
“State tasen tentetba mapang, ali aser arrtsü mesüra tang aliba state nüngja melendang, sendaktepba aliba state tem (Manipur, Arunachal Pradesh &Assam) den tama angatetteptsü atema India Temzüng nung Arrla 3 yanglushitsü atema Union sorkar dang mepishitsü House-i lemtet” ta Manipur Assembly nung telemtetba agiba nung dena lir.
Naga Yimjung Tezzüngzüktep ya August 3 nü agi, saka tang tashi nung yangji aliba onüktem yimjak nung memetetdaktsüi lir.