Essential Phone atema Android 8.1 Oreo angutsü

Metsüremi 14, 2018 (Agencies): Tawa Android Oreo indang ‘beta version’ software ka sayar külen Essential Phone atema Android 8.1 Oreo software agütsü tenzükogo.
“Essential phone company-i PH-1 smartphone nung Android 8.1 update agütsüba ya nangzükba ama inyakogo. Iba software mezüng sayaba sülen update karbo süogo saka update tongtibangtembo kanga ajema liasü,” ta Sangtennü (Tuesday) 9to5Google sangdong ka ajanga metetdaktsü.
Iba software update ajanga smartphone nung taoba Android 7.1 Nougat Operating System (OS) aliba nungi Android 8.1-i ajungkettsüogo aser iba den Metsüremi (March) security patch update dena agütsür.
“Essential-i Android Oreo software tsütsü temelenshiba kecha bendenloka mali saka Oreo dak imlaba feature ‘Picture-in-picture’ amala densema lir,” ta sangdong ajangasa metetdaktsü.
Company-i ashiba agi Essential Phone nung ‘scrolling issues’ aser tanga bug tem indang tamshirtemi metetdakja liasü, iba timtem Android 8.1 update ajanga agientsüogo. Essential Phone variant tasenba koba nung Google Assistant melana built-in Alexa (Amazon’s virtual personal assistant), inokja lir iba phone ya Tsüklai (February) sayaogo.
Essential Phone PH-1 nung ya edge-to-edge display aser modular system ka koba ajanga tamshirtem nem 360-degree camera aser regular 16:9 aspect ratio melena 5.7-inch LTPS (Low-temperature polycrystalline silicon)display den 19:10 aspect ratio aketba feature tem inoka amshitettsü asoshi maongka agütsür.
Iba phone nungsa dual primary camera keta lir kong 13MP sensor ana keta aliba angutsü. Camera ana rongnung ka standard RGB (Red, Green aser Blue) sensor aser ka monochrome alitsü.