Governor-i CS Pankaj Kumar nem tenüngsang agütsü

Dimapur, Metsüremi (March) 14 (TYO): Nagaland Chief Secretary Pankaj Kumar, IAS-i Additional Secretary, Ministry of Electronics and Information Technology, Government of India inyaktsü atema shimogo.
Tanü Nagaland Governor PB Acharya-i Nagaland Chief Secretary toktsür aotsü aliba Pankaj Kumar, IAS Raj Bhavan-i jaok aser pa sen sensaksem mapang ka agi.
Iba sentong nung Nagaland state sorkar nungi tongti ketdangser aika aden.
Iba mapang Governor Acharya-i Pankaj Kumar nem tenüngsang agütsü aser pa mapa tasen nung takok ngua inyaktsü atema maotsü.
Pankaj-i menden balala ajanga Nagaland nung alirtem ajungkettsü atema mapa inyakba atema Acharya-isa pa nem tenüngsang agütsü.