Acer Swift 5 Laptop India nung sen 79,999 yong sayaogo

Metsüremi 15, 2018 (Agencies): Taiwanese hardware aser electronics brand Acer prui parnok indang nüngtugu “Swift” series atsülangshia Rasemnü “Swift 5” India nung sen 79,999 nungi tenzüka sayaogo. Iba laptop ya tozük gram 970 dang lir aser 8th-Generation Intel Core processor keta lir. Iba device ya Acer exclusive stores aser tanga retailers tem ket nungi angutsü, ta company sangdong ka ajanga metetdaktsü.
“India nung ‘Swift’ series laptops tem rongnung ano ‘Swift 5’ bendenloksemba atema onok kanga pelar. Iba ya laptop tem rongnung tepungbatiba rongnung ka lir,” ta Acer India, CMO and Consumer Business Head. Chandrahas Panigrahi-i ashi. Iba laptop ya 14.9-mm tapu lir aser 14-inch FHD display den narrow bezels aser Acer “Color Intelligence” technology keta aliba angutsü. Iba technology ajanga screen colour, brightness aser saturation optimize süteter.
“Swift 5” nung Acer “TrueHarmony” den Dolby Audio Premium technology keta lir koba ajanga audio tashitait agütsür aser kasa mapang nung Business certification atema Skype ajanga video conferencing tajungba süteter. Iba device nung Windows 10 keta lir aser 8GB DDR4 RAM, 512GB SDD storage aser ghonda ti tashi amshitettsüsa battery inokja lir.