Argentina nung Royal Enfield Dealership lapokogo

Metsüremi 15, 2018 (Agencies): Royal Enfield puri Argentina nung shishilemba tenzükba sangdongogo; Argentina ya Latin America nung motorcycle shishilembadak tulutiba rongnung tanabuba lir aser Buenos Aires kong Royal Enfield puri parnok shilembaba tenzükogo, iba yimti ya linük nung motorcycl amshir timtiba aliba tesem ka lir. Royal Enfield puri parnok indang mezüngbuba flagship store ya Buenos Aires, Avenida Del Libertador 3344, Vicente Lopez nung amendakogo aser after sales, spares aser service ajak densema mapa küma inyak tenzükogo.
Royal Enfield company ajanga Grupo Simpa ya Argentina atema official dealer-partner asütsü shimtetogo aser parnoki Argentina nung marketing aser aftersales nunger ajak achaayangtsü. Latin America nung Brazil aser Colombia sülen Argentina ya linük tasembuba kümogo, kong exclusive Royal Enfield store amenoka lir.
Argentina nung Royal Enfield model ayoktsüba tem rongnung Bullet (500cc), Classic (500cc), Continental GT (535cc) cafe racer aser Himalayan (410cc) densema lir.
Brazil, Argentina aser Colombia ya Royal Enfield company pur atema Latin America nung shishilembadak tongtibangtiba tem lir. Royal Enfield motorcycles ya alima ajunga nung linük 50 nung dealerships 540 aser exclusive brand stores 36 ajanga yokdar.
Royal Enfield puri FY 2016-17 nung alima ajunga nung motorcycle 660,000 yokogo aser 2018 tatembang tashi nungbo motorcycle 900,000 yanglua ayoktsü asoshi nükjidong lir.