The Conjuring film otsü züluri Die Hard 6 Script zülushitsü

Los Angeles, Metsüremi 15 (Agencies): Otsü zülur Chad aser Carey Hayes naya horror film ‘The Conjuring’ züluba atema ajaki meteta aküm aser tang tena ya Die Hard 6 film otsü zülushitsüba atema aniokogo.
Iba film nung maneni Bruce Willis-i tongti shilem agitsü, shiba iba film mezüngbuba nungi tongti shilem agia arudar.
Len Wiseman-isa iba film tasenba ya produce asütsü aser direct-a asütsü, koba “Die Hard: Year One” ta nungja agüja lir, ta femalefirst.co.uk sangdong ka ajanga metetdaktsü.
Tang tashi nungbo iba film otsü indang osang tejangja kecha memetet saka Willis-i iba film tasenba nunga maneni police detective John McClane shilem agitsü, ta kasa sangdong ajanga metetdaktsü.
Iba movie tesadang ka nung McClane ya 1980s nung police officer tasen ka ama adoktsü aser iba sülen movie tanungba shilem ajak tanü tendak ajemdaker yanglutsü.
Arishi küm 62 tain Willis-i McClane ama 1988 küm mezüngbuba film nungi shilem agia arudar. Iba film mezüngbuba ya Roderick Thorp indang otsü kaket “Nothing Lasts Forever” nung ajemdaker yangluba film ka lir. Willis-i tatembangsa 2013 küm adokba iba film “A Good Day To Die Hard” nung shilem agiogo.
Taoba ita Willis-i iba film maneni yanglutsü aser film otsü züluogo, ta metetdakja liasü. Ajisüaka Hayes brother-i iba otsü ya zülushidar ta tang osang angazükogo.