Meyitkar

– Süpongnungsang Longkümer, Darogapathar Village Dimapur.

Yimsüsürtem aser sarudokertem, Arogo tenzükertem aser nüburtem ajak sako yimsopur saka kar shimteta yimsü südaktsür aser tenzükdaktsür. Item rongnung Tsüngrem medeni litetpa takümbo shinga malitsü saka alima nung alir karibo nisung rongnung putepa lidaktsütsü atema Tsüngrem lir ta tetsübutsü ka inoktsüba dak alaka Tsüngrem mali, kodak aser molumi maka ta kecha dak mamangba telok lir. Iba rongnung na-a aden asü? Keyi, pongzü-a metsübui tetsübu mekaaka temang nung timtem tera adok nung adendena tsübua tashi agi mekoki Tsüngrem bushitsüsa akümba ya asenok atema temeimer tekümzüker ka aliba ajanga ta angatet nungbo lendong mapang nung lendong bushia maotsü saka jenbua alitsü.
Ezekiel 33:1-20 Kibuba O kü dangi aru, 2 Nisung chir, nü nübur chirtem dang jembiang, aser parnok dang shiang. Kodang linük madaki ni nok bener arudir linük nüburtemi parnok rongnungi nisung kar agia, meyitkar süa pa yutsüra; 3 kodang linük madak nok aruba pai ngur, jangzü apua nüburtem dang tekümdangtsü shira,4 Idangji shibaisa jangzü ola angashi, saka kümdanga melilir, nok arua pa bener ora, pa züji pa kolak manung alitsü. 5 Pai jangzü ola angashi, aser saksalema mali asü; pa zü pa madak alitsü; pai saksalema ali asübo pai taküm kümzüker lila. 6 Saka meyitkari nok aruba ngur jangzü mapura aser nüburtem saksalema alitsü meshira, aser nok arua parnok rongnungi nisung kar bener ora, pa pei tai menaba asoshi bener oa lir, saka pa zü ni meyitkar ket nungi akhangtsü.
7″Anungji na, nisung chir Isreal kidong madak ni na meyitkar kümdaktsür, anungji kü bang nungi kü o angang, aser parnok nem ni nungi tekümdangtsü agüjang. 8 Jakla tamajunger dang, oh jakla tamajung nisung, atangji na asütsü ta ni shira, aser jakla tamajung nisung tangji pa pei lenmang nungi meyiptsü nai kecha meshira, jakla tamajung nisung pei tai menaba asoshi asütsü, saka pa zü ni nü ket nungi akhangtsü 9 Aji saka, nai jakla tamajung nisung dang pa lenmang tamajung nungi meyiptsü kümdanga alitsü shira, aser pai pei lenmang nungi memeyipra; pa pei tai menaba nung asütsü, saka nai nü takum kümzükogo.
Lipok 2: nung Tsüngremi meimchir yangluba otsü jembijen jembir anungji ajak mulungjang nung lir, saka tongtibang kaji soyapokyaang aser aji azüokang. Tzüyim ango madak, anüng ozütem, aser alima nung aliba kechisarena madak ketdang süang. Ya tanü shir dang ashir? Tongtibangsa telok ana Yimsüsür, aser Arogo tenzükertem dang teinyaktsü nungloktsüba o lir. Telok anaprong Tsüngremi shimtetba telok lir Rom 13: Pei kibong khuret mapang nung dang Tsüngrem teyari masü, saka mapang ajak nung ; Tsüngremi nisung ji pa mesükba nung yanglu, iba o ya tejembi dang jembir ashi hau ta mali ama, Tsüngrem aküm tsübur mali. Lipok 29:18 Yakobi kinungtsü Rachel kanga meim saka la tapong liasü. Oben13: Manoa kinungtsü tapong liasü. Luke 1:7 Elizabet tapong aser arishi talangka süir liasü. Tsüngremi nungloktsüba kecha agia pa mulung süa mataloktsüba Isreal kin, tashi mangaba tatishitsü tapong ta angateter ( Tejang matangba süaka) Tsüngremi kodanga meimchir mesentok mapang apir obendanger, aser ainkar item tapongla nu menden lapokja tanur sodaktsü Saka Yisu asuba yabo tenangzükba chir, asünung tasüngtet aiür nu menden nungi aso.
Asenok meimchirtem Tsüngrem metsübui, tebilemdang makai tashiyim agi alirtem ajak pei mapa agi taküm tembanger aser tembangtsü. Meimchir ya Tsüngrem mapa aser Pa sentsüwangshi kuli atema dang ashi auyi-a memeyong. TSÜNGREM kanga tsübudi Pai memerenshisang.