Russia-i New York anema chemical amshitsü akok : Nikki

United Nations, Metsüremi 15 (Agencies) : Tim teinyaktsü maparen shidak meinyakra, “Russia nungeri New York yimti mesüra UN Security Council kübok aliba mashi linük nung mashi yimti ka anema chemical weapons amshitsü akok” ta UK nunger aria bilemja jembidang UN nung inyakba US Ambassador, Nikki Haley-i tekümdangtsü olen ka metetdaktsüogo.

Haley-i ashiba agi, Donald Trump-i aniba yimteni Great Britain aria bilemtsür aser parnok den külemi nokdaker.

Taoba hopta English nunger yimti Salisbury nung Russia nunger taoba itdangiter shibai telok ana tsütsü iba mapa inyaka liasü, pa den par jala tena dak ‘nerve agent’ amshia tashiyim maparen inyakba sülen lai ibaji ashi, ta CNN osang ajanga metetdaktsü.

Iba dak sendakba tsütsü tang tashi nung US yimteni tesashitiba anema nokdakba maparen ka nung Haley-isa ashiba agi, Russia nungeri poison amshia iba mapa inyak ta UK-i temulung malem bilemba ama kasaji Washington-ia bilemer aser iba yabo alima ajungalen nungi ola adoktsüla ta takhangba agütsüogo.

“Tena dak ‘military-grade nerve agent’ amshibaji Russia nunger mapa asütsü ta US-i bilemer,” ta UN Security Council rongdak senden ka aliba mapang Haley-isa shiogo.