NPCC-i I Imkong, Aonok na dang tasüngdangba akar

Kohima, Metsüremi (March) 15 (TYO): Metsüremi (March) 10, 2018 nü Nagaland Pradesh Congress Executive Committee (NPCC)-i, I Imkong aser Ayang Aonok nati party anema inyakba atema tena anema temerenshi agutsütsü atema bangzünga ayuba ama NPCC Tiri I Imkong aser Ayang Aonok naprongla dang, tena anema kechiba temerenshi magutsütsüla, ta tena dang tasüngdangba kaogo, ta Media Cell, NPCC sangdong ajanga metetdaktsü.
Tena anema temerenshi magutsüdang tena membership anenja atar aser Metsüremi 12, 2018 nü nungi tenzüka NPCC mapatem melemzüktsüi atar, ta NPCC sangdong nungsa shia lir.