Daler Mehndi küm 2 tepoukdak ayutsü atema obendang agutsü

New Delhi, Metsüremi 16 (Agencies): 2003 küm nisung shibelenba ken o nung aija pop kentener, Daler Mehndi küm ana tepoukdak ayutsü obendang agutsüogo, ajisüaka pa bail nung chiokogo.
Patiala court-i iba ken o nung Punjabi pop kentener, Daler Mehndi aitsü aser 2003 küm nisung shibelenba ken o nung shilem agia aliba atema pa küm ana tepoukdak ayutsü atema obendang agutsü, saka bail nung chiokogo.
Osang angazükba agi, Daler Mehndi, par adianu, Shamsher aser tangartemi par telok nung züngsemtem ama ozüng alema nisungtem bendang linüktemi yoka liasü.
Ken o agutsürtemi ashiba agi, tai tonglokja alirtem jagi parnok ket nungi sen crore kaka agia liasü aser tezüngzüktep agiba ama meinyakba atema parnok nem senji kodanga meyipa magutsü.
2003 küm nisung shibelenba ken o nung aitsüba sülen tang Daler Mehndi Patiala Court ket nung lir.
Osang ajangasa ashiba agi, Mehndi adianutemi 1998 küm telok ka aser 1999 küm telok ka ta US-i anir ao, iba sülen yangji alir nisung 10 ket nung agutsü.
2003 küm mezüng Patiala sadar police station nung ken o agutsür tongtiji Pataila district künok Balbhera yim nungi Bakhshish Singh liasü, iba ken o züluokba sülen Daler apuba sülen anogo ishika lir bail nung chioka liasü.