China-i teka amuoka inyaker : Naseem

Washington, Metsüremi 16 (Agencies) : Maldives sasep inyakyim nung China nungeri teka amuoka inyaktsü meranger, ali tulu raktsü meranger, ano India aser Indian Ocean tzükümlen alirtem asoshia tebilemtsü tulu, ta taoba Maldives foreign minister aser tang Opposition leniri metetdaktsüogo.
Ahmed Naseem shiba tang Trump-i aniba yimten lenirtem den par lima yimten tsütsü mepetmesü tia nung aliba aser China nungeri jangjongba indang indang lemsateptsü atema US nung lir, pai ashiba agi par tang limaji nisung kati tashi amer yimsü südar.
“Anüolen tsütsü aliba kintemi Asia linüktem sasep nung timtem magütsütsüla ta China-i ashitsü jangrar saka Maldives nungbo China nungeri par inyakyim nung teka amuoka inyakner aser tashi amer par lima yimsü asüba lenir ajungmesor,” ta Naseem-isa jashia metetdaktsü.
American think-tank South Asia Centre of Atlantic Council nung jembidang pai ibaji sapoka ashi.