Eden Medical Centre nung Cardiology OPD lapokogo

Dimapur, Metsüremi 17 (TYO): Apollo Hospitals Guwahati-i tang mezüng Metsüremi 17, 2018 nü Eden Medical Center, Dimapur nung Cardiology OPD lapokogo aser Apollo Hospitals Guwahati nungi nüngtugu cardiologist, Dr. Rituparna Baruah (MD DM FSCAI)-i OPD nung shirangertem anepalutsü.
Dr Baruah-i, Dimapur nung cardiology OPD tenzükba ajanga Dimapur sensotem aser yimti anasa aliba temekettem nungi shirangertem ajangzüktsü, kechiyong shirangertemi teyari bushia talangi maotsü, ta ashi.
Paisa, ita shia Eden Medical Centre nung shirangertem atema OPD- consultation alitsü aser iba mapang nung shirangertem tajungtiba agi anepalutsü, ta metetdaktsü.
Doctor-i semdangtsü lia ita shia jelia nüburtem nem osang metetdaktsütsü.
Apollo Hospitals Guwahati ya Northeast tesem nung one stop healthcare institution ka lir aser parnoki jenjang dalang agi healthcare service tajungtiba agüja arudar.