R Benchilo Thong-i Chief Secretary inyaktsü

Additional Chief Secretary, R Benchilo Thong-i Chief Secretary menden melenzüktsü saka pa temang manemi aliba ajanga ACS Temjen Toy-i chief secretary mapa inyaka atatsü, ta tanü Pankaj Kumar-i metetdaktsü.
“Mapang tajung ka nung kü medemer aser batchmate R.B. Thong-i ni toktsüba menden melenzüktsü. Pa tang temang manem lir aser iba jagi Temjen Toy-i mapa benloka atatsü” ta pai ashi.
Temjen Toy ya mapa nendaka inyakba, tiptema inyakba aser tashi tait ketdangser ka lir aser nisung ajaki pa den yariteptsü ayongzüker ta Pankaj-isa shisem.