NPF nung ‘Press’ ketdangsertem mapa melenshir

Dimapur, Metsüremi (March) 19 (TYO): NPF party atema Press Secretary inyaka alisang Sebastian Zumvu NPF President atema Media Advisor inyaktsü aser Associate Press Secretary inyaksang Atou Liezietsu party indang Press Secretary inyaktsü atema tanü Naga People’s Front (NPF) Tir, Dr Shurhozelie Liezietsu-i ajungketogo.
Taküm küm tetenzüklen Associate Press Secretary inyaktsü atema Mrs Sapralu Nyekha shima liasü, ta Naga People’s Front, Central Headquarters Press Bureau sangdong ka nung metetdaktsü.
Taoba Associate Press Secretary Phushika Awomi-a General Secretary inyaktsü atema ajungketa liasü. Awomi ya taoba mapang Naga Students’ Federation (NSF) tir inyaker ka lir.
Sebastian Zumvu ya Nagaland nung journalist tejen ka lir aser pa ya taoba mapang adokba The Northeast Herald tenzüksang liasü. 1998 nungi 2003 tashi pa Nagaland Chief Minister indang Press Secretary ama inyak aser 2004 nungi 2010 tashi Maharashtra & Gujarat Governor atema OSD inyaka liasü.
2013 küm Zumvu NPF nung züngsem aküm aser iba mapang nungi pai menden balala nung inyaka arur. Pa ya taoba chief minister tem- TR Zeliang aser Dr Shurhozelie Liezietsu naprong atema Press Secretary inyakogo.
Atou Liezietsu ya taoba mapang Nagaland Post atema Kohima correspondent ka liasü aser Mrs Nyekha ya English literature nung post graduate ka aser Mass Communications nunga diploma holder ka lir, ta NPF Press Bureau sangdong nung metetdaktsü.