Angh-i Technical Institutions nung tekolakpurtem den jembi

Kohima, Metsüremi 20 (TYO): Metsüremi 14, 2018 nü Naga Bhavan, Raj Bhavan Kohima nung senden ka amendang Nagaland Angh, PB Acharya-i state nung Technical Institutions balala nungi Principal tem dang professional courses agir kaketshirtem nüngdak balala atema inyaktsü metetdaktsü, ta tanü PRO to Governor sangdong ka nung metetdaktsü.
Acharya-i, Nagaland nung lanurtem tarutsü jenjang alangtettsü atema Universities aser institutions-i tongtibang shilem agitsüla, ta ashi.
Universities/institutions nung azüngba sülen kaketshirtemji pei mesasa nokdaktettsüla aser linük rongsenkettsüng tashi itdaktsürtem asütsüla, ta pai ashi. Angh-isa Principal tem dang, state terenlok aser kaketshirtem mapa angutsü atema industries, shishilembaba aser shisaliok sector nung shisalemsateptsüla, ta ashi.
Kasa senden nung Angh-i kaketshirtem ajangzüktsüsa sorkari benoka aliba sorkar schemes balala metetdakja liasü.
Iba senden nung adenertemji: Dean, SET, NU Prof SK Sharma, Dean School of Management, NU Prof N Venhu, Director NIELIT, Kohima, Er. Lanuwabang, Principal, Para Medical Training Institute, Kohima, Dr. Vibeituonuo Mepfuo, Vice Principal PMTI, Dr Aseno Rhetso, Principal Government Polytechnic, Kohima, Er. Keyiekhru Rhuto, Principal, Khelhose Polytechnic, Atoizu, Er M Nakro, Principal ICIT, Mokokchung, Er David Tsela aser Principal, Nagaland Tool Room, Dimapur Er Petehetuo Miasalhou nunger liasü.

You must be logged in to post a comment Login