St. Stephen’s Hr Sec nung World Oral Health Day among

Dimapur, Metsüremi 20, 2018 (TYO): DENTAL TOUCH & FACIAL AESTHETICS den külemi St. Stephen’s Hr Sec School, Dimapur-i tanü school Auditorium nung World Oral Health Day mongogo.
Iba anogomong nung Principal, Dr. R Francis leniba nung school ketdangsertem aser Dental Touch Clinic team-i school tanurtem atema otsüno (essay) zülutepba, sangro zülutepba aser drawing tetoktepba sentong ayongzüka liasü, aser iba ya tepo dak sendakba tashidak balala nokdangtsü aser azüoktsü atema awareness agutsütsü nükjidong nung ayongzüka liasü.
Sentong nung Dr Temjennungsang Longchari-i ‘Health talk’ onük jembi, Dr. Desela Sangtam-i tepo timi meyuba tasa sayuba den külemi tepo anepaluyim sayu aser Kr. Temsumenla aser Kr. Ayangla Ozukum na leniba nung ken ka tena liasü.
Sentong tembanga tetoktepba balala nung takok angurtem nem sempet lema agutsü.