3buba Inter School U-16 Cricket Tournament ayonger

Kohima, Metsüremi 20 (TYO): Kohima District Cricket Association (KDCA)-i ayonga 3buba Inter School U-16 Cricket Tournament ya Metsüremi (March) 22, 2018 nü anepdang 9:00 ako nungi tenzüka Kohima Local Ground nung asayatsü. Iba asayamung ya Nagaland Cricket Association indang Cricket Development Committee züngsem, Hyunilo Khing-i lapoktsütsü.
Iba asayamung ya league yimya nung asayatsü aser temaba team ana ya final asayatsü. Iba asayamung reprangtsü asoshi temulunger aser cricket asaya saburtem ajunga pelashishia jaoker, ta KDCA ajanga sangdong ka nung metetdaktsü.