Arishi küm 102 aser 100 tain anati asemtepba nung shilem agi

Washington, DC, Metsüremi 20 (Agencies): Asenoki anepdang aratena jajatsü ta kodang südir kanga azümesenadoker, ajisüaka USA Track aser Field Masters Indoor Championships sentong nung America tsür arishi küm 102 tain Julia ‘Hurricane’ Hawkins-i tetsür küm 100 dak tema 60m dash tetoktepa nung takok ngutet. Parnok ama tain kati asemtepba nung shilem agiba ajanga asenok ajak ajungshir. Julia-i second 24.79 nung alizüng tongteta liasü.
Arishi küm 102 nung Julia Hawkins ya USATF Championship toktepa otsü nung tantsütila kümogo. La arishi küm 100 abensaba sülen ang tetoktepba balala nung shilem agia arudar.
“Ni independent süa liner aser kü sasa ni tendanga mapa balaka inyakner, ajidang masü ni ozü kibong peladaktsüner,” ta Hawkins-i ashiba Washington Post-i sangdonga liasü.
Kasa mapang nung tebur asemtepba nung arishi küm 100 tain, Orville Rogers-i second 19.13 agia meter 60 asemtetogo.
Rogers ya World War II nung bomber pilot aser taoba airline pilot ka liasü. Pa küm 50 abensar alidang stroke asüba ajanga abelen teka, tetsüng aser terberem teloktep mapang tatsüka atema paralyse sür aliba jungtur külen pai asemzütsü tenzük.