Samsung ‘Flip digital whiteboard’ India nung sayaogo

New Delhi, Metsüremi 22 (Agencies): India shishilemba dak B2B (Business to Business) talirtem atema Samsung India-i ‘Flip’ta nüngja agütsüba ‘interactive digital display’ tasen ka sayaogo. 2018 Consumer Electronics Show (CES) sentong nung South Korea indang company tetsüti, Samsung-i iba Flip ya sayaogo.
Iba board tasenba yagi ‘digital whiteboard’ ka ama mapa inyaker. Iba board nung Tizen Processor ajanga tashi agütsütsü aser network storage atema 8GB inokja lir. Flip nung 55-inch display aser 4K UHD (Ultra High Defination) resolution inoka yanglutsü. Talisa Samsung Flip ya tamshirtemi aginüba ama portrait orientation 2160×3840 pixel nungi landscape orientation 3840×2160 pixel resolution-i melenshia amshitettsü.
Samsung indang ‘Flip digital whiteboard’ connectivity tsütsü reprangdangra iba nung Wi-Fi, USB 2.0 (x2), HDMI, NFC aser Bluetooth keta lir aser iba board nung zülutsü atema wooden stylus ka angutsü. Iba board nung built-in 10W speakers ana inokja yanglua lir. Iba digital whiteboard yagi mobile UI (User Interface) tem simulate sütettsü aser tamshirtemi mobile device tem board indang touchscreen ajanga control süa amshitettsü. Iba digital board ya Light Gray sentsü nung dang angutsü.
Company-i ashiba agi ‘Flip’ ya meeting nunger agidang aser lokti senden balala tem nung amshitettsü. Tamshirtemi iba screen nung zülutsü atema specialized ‘touch pen’ menüngdaker aser zülubatem tekapu amshia ayidoktettsü. Iba board atema touch pen ana angutsü aser pen indang sentsütemji tamshiri aginüba ama sentsü tapu balala melenshia zülutettsü. Iba digital board tasenba yagi ‘passive touch technology’ support asütsü , tetezü tamshirtemi oset taju mashika ‘pen’ ama amshitettsü.