Dimapur nung kitsük kirong lendong asoshi teyari agütsü

Dimapur, Metsüremi (March) 24 (TYO): Metsüremi (March) 23, 2018 aonung 8:30 ako meta Y. Zhimomi colony Dimapur nung kitsük kirong lendong ka atalok.
Iba lendong ya short circuit ka ajanga adok asütsü akok ta temulung melemi bilemer aser ki ajak agi 27 tashi mitsü küma rongdok.
Ki balala nung kibong 34 shi telidak liasü aser fire brigade mapang shitak nung aruaka ki kanga anasatepa asüba agi miji mazüoktet.
Yasüng lendong nung fire brigade gari 9 tashi tesem tonga oa mi enseptsü merang aser parnoki miji tuluba jangrua moudaktsüi azüoktet.
Dimapur ADC Sara. S. Jamir-i anir District Administration Dimapur ketdangsertem den Police, Paramilitary forces aser DDMA züngsemtemi tesem tonga oa osang metetpela liasü.
Metsüremi (March) 23 aonungsa takok angurtem nem chiyungtsü aser parnok jenoktsü asoshi inyakba mapa nung yariteptsü atema Colony Council nem sen meyirjang 20 agütsü aser tanü kibong shia nem sen meyirjang pungugu teyari agütsü.
Iba tesem anasa relief Camp ka lapoka lir aser iba ajanga takoksa angurtem nem tang nüngdakba teyari balala agütsür.