Dimapur nung nisung 4 tsükset

Dimapur, (Metsüremi) March 24 (TYO): Küptoknü (Honibar) aonung 7th mile, Dimapur nung truck gari ka aser auto rickshaw ka tsüktepdang tetsür ka dena nisung pezü asü.
Tasür pezüpronglaji auto rickshaw nung mena alirtem liasü. Lendong atalokba tesem nung dang nisung ana asü aser ka Referral Hospital nung aser tetsürlaji HK Hospital nung asü, ta police-i ashi.
Iba osang zülu tashi nung tasürtem maitsü ano mejangjatet liasü. Lendong atalokli truck gari anir jagi gari toktsür jena ao aser police-i gariji sota lir, ta police-isa metetdaktsü.