Odisha-i SC Jamir nem tetushi agüja meinoktsü

Bhubaneswar, Metsüremi (March) 24 (Agenceis): Taoba Odisha Governor SC Jamir-i Odisha toktsür Nagaland-i meyipa aodang Biju Patnaik International Airport nung pa nem tetushi agütsü.
Metsüremi (March) 20, 2018 nü pai Odisha nung Governor inyakba kümsük tembanga liasü.
Pa nem tetushi agütsüba mapang Finance Minister SB Behera, Parliamentary Affairs Minister BK Arukha, city Mayor Ananta Narayan Jena, Khurda, Collector Nirmal Chandra Mishra aser Police Commissioner YB Khurania nungertem liasü.
SC Jamir ya taoba mapang Nagaland nung Chief Minister pezüben tashi inyakba nisung ka lir aser pa Metsüremi (March) 21, 2013 nü Odisha Governor inyaktsü atema tenangzükba agia liasü.
Yashi Chief Minister Naveen Patnaik-ia Raj Bhawan nung SC Jamir den ajurutep. SC Jamir-i toktsüba mapaji Bihar Governor Satya Pal Malik-i repsema inyaka atatsü nungloktsüogo.