Inter school U16 cricket asayamung osang

Dimapur, Metsüremi 24 (TYO): DDCA-i ayongzükba inter school cricket asayamung mezüngbuba semifinal Zakiesatuo Memorial HSS aser S.D.Jain HSS na asayaa liasü.
Toss akoba sülen Zhakesito Memorial HSS puri mezüng fild asütsü shimtet. Mezüng bat asüba nung S.D.Jain HSS puri over 24.2 buba nung asayar ajak out sür run 114 yanglutet. Parnok rongnungi Jeetedar Yadav-i run 27 aser Ajay Gupta-i run 12 yanglu. Zakiesatuo nungi bowler Shaleh-i wicket 4 aser Kamran-i icket 3 agi.
Run arishiba nung ZMHSS puri over 22 buba nung asayar ajak out sür run 108 dang yanglutet nung parnoki iba asaya run 6 agi makok. Asaya nung ZMHSS nungi asayar Bikash-i run 19, M.Alam-i run 12 aser Peasant-i run 10 ta yanglu. SDJHSS pur rongnungi Vicky-i wicket 4 aser Sujal-i wicket 3 agi.
Semifinal tanabuba asaya nung DPS puri toss akokba sülen mezüng fild asütsü shimtet. Mezüng bat asüba nung G.Mhaisu School puri over 15 buba nung asayar ajak out sür run 91 yanglutet. Parnok rongnungi Moabai run 25 aser Ranjan-i run 12 yanglu. DPS pur bowler tem rongnungi Shamayak-i wicket 4 aser Nishit o Tanmay nati wicket anana agi.
Asaya tanabuba shilem nung DPS puri run 21 dang yanglur asayar ajak out süadok. G.Mhaisu School pur bowler tem rongnungi Ranjan-i wicket 4, Kavito-i 3 aser Moabai wicket 3 ta agi. Parnoki iba asaya run 70 agi kokogo.
Amongnü final asaya 9:00 ako nungi SDJain HSS aser G.Mhasiu School na asayatsü.
Kasa mapang nung Kohima District Cricket Association-i ayongzükba 3buba Inter School U-16 Cricket Tournament tanü asaya Govt H.S. Chandmari aser Baptist High School na asayaa liasü. Toss akokba sülen Govt H.S. Chandmari puri mezüng bat asütsü shimtet. Mezüng bat asüba nung Baptist High School puri over 16 nung asayar ajak out sür run 70 yanglu. Run arishiba nung GHSC puri over 11buba buba nung wicket ka out sür run 71 ka yanglua iba asaya wicket 9 agi kokogo.
Tentonü final Chandmari HSS aser Govt HS Chandmari na asayatsü.
Maneni Zunheboto nung kasa asayamung mezüngbuba asaya Cornerstone School aser Step by Step School na tsüngda asayaa liasü. Cornerstone pur mezüng bat asüba nung parnoki over 25 nung wicket 7 out sür run 130 yanglu. Run arishiba nung Step by Step School puri over 25 nung wicket 9 out sür run 95 dang yanglutet. Iba asaya Cornerstone puri run 35 agi kokogo.
Tanü asaya tanabuba Olympic H School aser Emmanuel School na asayaa liasü. Asaya nung Emmanuel school pur mezüng bat asü aser parnoki over 25 nung asayar ajak out sür run 112 yanglu. Asaya akoktsüba atema run 113 nüngdaka asaya tanabuba shilem tenzükba nung Olympic School puri over 23.2 nung wicket 7 out sür run 113 yangluteta parnoki iba asaya kokogo.