KMC-i nübur dang sangdonger

Kohima, Metsüremi 26 (TYO): Kohima Municipal Council, Administrator, Kethosituo Sekhose-i sangdong ka ajanga, Kohima nung ward balala aser highway nung jana bendentsü atema collection points lir, ajisüaka janaona mashimashi nung indoker, aser ibaji ajanga mopung menena tashidak prokshir, ta metetdaktsü.
Iba dak alia jana meindoktsü atema ward, colonies aser KMC-i signboards yuja liaka tashi mangai jana mashie indoker, ta ketdangserisa metetdaktsü.
Iba dak sendakba nung KMC-i, mapang shia itemji reprangtsü atema inspectors yoktsü aser aibelenertem dang Nagaland Municipal Act 2001 kübok senchi sen 2,000 tashi achitsü; iba dak alia peipei tesem nung jana mashie indokba putetra Ward Councils aser Ward Sanitation Committees khuret asütsü, ta KMC ketdangserisa metetdaktsü.