BRU-Revolutionary Army bendanga agütsütsü

Metsüremi 27, 2018 (Agencies): Tatalokba tasen ka nung osang ajanga ashiba agi, BRU Revolutionary Army of Union (BRA-U) pur bendanga agütsütsüba atema sentong yangludar.
Commander-in-Chief Rajesh Chorkhy shiba lenisüba kübok iba telok inyaker, paia dena par telok bendanga agütsütsü asoshi sentong aliba lemsatepogo. Par telok ya Assam sorkar den 2011 nungi jembishinüa arudar. BRA-U ya züngsem 57 shi-i 2014 küm prangbong injang noklang asem dak tema bener tenzük.
Osang ajanga ashiba agi, 2018 Assam Legislative Assembly Budget Session tembangba sülen sorkari parnok takhangba ataloktsüra peace accord ka sign süa bendanga agütsütsüba atema parnok renema lir.