Taoba CPI(M) MLA Rajendra Reang amak

Agartala, Metsüremi 27 (Agencies): Kanchanpur nungi taoba CPI(M) MLA Rajendra Reang den külemi parnok ti, north Tripura Kanchanpur kübok Laljhuri tesem nung aliba CPI(M) office nung Amungnü BJP pur pusemertemi amakdang yirua liasü.
Rajendra Reang temang tang tajungba lir aser local mozüki ka nung tang temang anepaludar, ajisüaka parnok rongnungi nisung ana kanga mejungi yirua district mozükii belener ogo.
“CPI(M) puri ashishiba dak ajemdaker iba ken o dak sendakba nung tang tashi nung nisung ter pua lir aser meneni bushisüngdangdar. Onoki yirur alirtem kümzüka ayutsü asoshi jenjang tapet agiogo,” ta North Tripura, Superintendant of Police, Manik Das-i ashi.
CPI(M) puri iba tatalokba ya kanga mejungi aitsüogo.