Nagaland nung ki 8500 yanglutsü atema sen lakh 11492.00 benok

Kohima, Metsüremi (March) 26 (TYO): Nagaland nung 2018-19 tsüngda Pradhan Mantri Awaas Yojana- Gramin (PMAY-G) kübok ki 8500 yanglutsü atema sen lakh 11492.00 lemzüka yuogo.
2017-18 nung rural houses yanglutsü atema sen lakh 7388.227 benoka liasü aser iba asoshi PMAY-G programme nungi sen lakh 1610.507 agütsüogo. (Centre nungi Rs. 988.38 lakh aser state lemzükba Rs.612.127 lakh.)
Sen jagi yimtsüng tia nung aliba tesemtem nung ki 4237 yanglutsü.
Assembly nung Chief Minister Neiphiu Rio-i Rural Development indang 2017-18 annual administrative report benokba nung iba osang shia lir.
PMAY-G ya centrally sponsored scheme ka lir aser iba scheme kübok yimtsüng tia nung aliba tesemtem nung alir nem ki agütsür. Iba scheme ya India sorkar aser state sorkar tsüngda 90:10 tangatetba nung inyaker.
Centre sorkari 2022 tashi ‘Housing For All’ agütsütsü nangzükba nung ajemdaker Rongchii (April) 2016 nungi Indira Awaas Yojana nungi PMAY-G ta nüngja melen.