End of Day (EOD) matongdang bill/challan agütsütsüla

Dimapur, Metsüremi (March) 27 (TYO): Taoba financial year mapang department kari End of Day (EOD) mapang süiba sülen agütsüba ajanga bill aser challan kar magizüktet/meinyaktet ta State Bank of India-i metetdaktsüogo ta Secretary to Govt. of Nagaland-i sangdong ka nung ashi.
End of Day (EOD) ji Metsüremi (March) 31 ayaterm 12:00 ako lir, anungji iba ama timtem majurutsü atema department ajaki bill/challan tem State Bank of India ket nung mapang shitak nung agütsütsü metetdaktsür, ta Secretary Y. Kiketo Sema (IAS)-isa metetdaktsü.