Medical Minister, Pangnyu-i H&FW Directorate semdang

Metsüremi 27, 2018 nü Directorate of Health & Family Welfare, Kohima nung state Health Minister, Pangyu Phom, H&FW Principal Director, Dr.M.Kire Principal Director aser Department nung ketdangsertem tangokba noksa nung angur.

Kohima, Metsüremi 28 (TYO): Metsüremi 27, 2018 nü Nagaland Medical Minister, Pangnyu Phom-i Directorate of Health & Family Welfare, Kohima semdanga liasü; pa den Commissioner & Secretary, DoH&FW, R.Ramakrishnan, IAS-a dena liasü.
Minister, Pangnyu-i Directorate nung section balala semdanga ao aser ketdangsertem ajurua parnok dang pei mapa kanga nendaka inyaktsüla, kechiyong iba department ya ajanga meimchir taküm ka atema inyaker, ta ajungshia liasü.
Minister-isa state nung, talisa kanga tezülen aliba tesemtem nung anema-alibaren jenjang mejungi aliba atema tebilemtsü lemsatepa liasü.
Pangnyu-isa state nung Health Infrastructure tajungba akumtsü atema pai India sorkar den jembitsü, ta metetdaktsü.

Medical Minister, Pangnyu-i H&FW Directorate semdang added by nungsang on March 28, 2018
View all posts by nungsang →