Dimapur nung DLCC, National tobacco control senden amen

Dimapur, Metsüremi 28 (TYO): National tobacco control program kübok DLCC 4buba quarter senden Metsüremi 27, 2018 nü Deputy Commissioner Conference hall nung menogo, ta ketdangsertem osang ka ajanga metetdaktsü.
Additional Deputy Commissioner Dimapur, Sarah Jamir leniba nung iba senden amen. Lai züngsemtem dang anti-tobacco campaign ya temaba jenjang ka nung agitsü atema ajungshia liasü.
Sentong nung St John school nungi Johnny Abraham-ia tobacco control nung pai ajangshitem lemsatepa liasü aser C Tetseo-i ‘Global adult tobacco survey 2016-17 (GATS 2)’ presentation agutsü.
Tetseo-i, tesüiba küm pongu tsüngda state nung moko chiyungtsütem amshiba shilem 14 ajema kümogo, ajisüaka linük nung Pan masala den moko achiba temaba jenjang nung Nagaland lir, ta metetdaktsü.
Iba survey ajanga, Nagaland nung lanurtemi kanga anojungi mokozü madokba moko chiuyungtsütem achiba jangjar.
Ano ita shia moko achiba nung average expenditure timtibaji Nagaland lir (sen 1474/-). Dr C Tetseo-i ashiba agi, item ya takoksatsü temaitsütem lir anungji iba campaign ano jenjang tajungba nung agitsüla.
Senden nung school asem aser college ka nem Tobacco free certificate agutsü.
Senden nung Administration, shisaliok rejutem, publicity DMC, IDA, sorkar aser nija school tem nungi züngsemtem dena liasü.