Japan-i tashishitsü aketba 2020 Olympics nüngo mamshitsü lemteter

Tokyo, September 01 (Agencies): 2020 Tokyo Olympics asayamong tayonger luden-i tashishitsü aketba Olympics nüngo mamshitsü telemtetba ka tanü Mongolbar nü agiogo.
Belgium nunger noksa aser nüngo purapiteter, Olivier Debie nungi ajizüka Japan nunger purapiteter, Kenjiro Sano-i 2020 Olympics nüngoji yanglu ta ken o benokba sülen 2020 Olympics nüngoji mamshitsü lemtetba osang jangjaogo.
Taoba July ita sayaba sülen, Debie-i Olympics nüngoji pai Theatre de Liege atema renemba nüngo mesüka lir ta shia, kasaji mamshitsü ken o okadak benokba osanga jangjaogo.
“Olympics nüngoji tangar nungi ajizüka yangluba kuli tejangja nguteta mali saka iba nüngo den sentakba tashishitsü onük tali adokba yong kasaji mamshitsü lemtetogo,” ta Tokyo 2020 CEO, Toshiro Muto-i tanü osang jangjashitsü.