Saudi Arabia nung missile amshia amakba aitsür: India

New Delhi, Metsüremi 28 (Agencies): Saudi Arabia nung Riyadh densema tanga yimtitem nung civilian aliba tesem nung missile amshia amakbaji India-i sashia aitsür, ta tanü India-i metetdaktsü.
External Affairs Ministry otongdari, “Saudi Arabia nung Riyadh densema yimtitem nung civilian aliba tesemtem missile amshia amakbaji onoki aitsür. Tai maket nisungtem amokmerena tensa raksatsüba atema onoki tebilemtsü akar. Onoki kiralongra aser rara tapu ajak anema raratsü,” ta metetdaktsü.
Missiles ji Riyadh densema yimti pezü nung khaloktsü saka item ajakji anüng tom nung raksatsü, ta yashi Yemen Colonel Turki Al-Malki-i sangdong ka nung metetdaktsü.
Anüng tom nung raksatsüba missiles tejaksa ajanga Egypt nung alir ka asü, ta sangdong nungsa shia lir.