AR -i Phesama yim nung Medical camp ka ayongzüka agi

Dimapur, Metsüremi 29 (TYO): HQ IGAR (North) kübok Assam Rifles, Kohima Battalion-i Phesama yimtsüng nung Metsüremi (March) 28, 2018 nü medical camp ka ayongzüka kaogo.
Medical facility peria manguba tezülen aliba yimdaklirtem nem angati medical treatment agütsütsü nükjidong nung iba sentong ya ayongzük. Medical Officer, Captain G Sainath Ram lenisüba kübok medical team kati nisung 139 temang repranga liasü. Parnok rongnung tebur 33, tetsür 47 aser tanur 59 liasü. Iba camp nung shiranga alirtem nem mozü angati agütsü.