2017 tashi Force India telok nung züngsemtsü: Hulkenberg

Monza, September 01 (Agencies): Germany nunger gari toktepa anishir, Nico Hulkenberg-i 2017 küm tashi Force India telok nung züngsema gari toktepa anishitsü renemba osang ka tanü Mongolbar nü metetdaktsüogo.
Formula 1 (F1) Italian Grand Prix toktepba agitsü anogo ishika anünga alidang, Hulkenberg-i England kübok Silverstone nung tentetba Force India telok nung maneni küm 2 züngsemtsü tezüngzüktep tan agishir lir.
“Ni taruba küm 2 tashi Force India telok nung maneni züngsemtsü tezüngzüktep agiogo. Ozü teloki taoba küm 2 tsüngda nung takok tulu ngua lir aser tarutsü mapang nunga takok angutsü imlar,” ta Hulkenberg-i ashi.
Arishi küm 28 tain Hulkenberg-i Williams telok toktsür 2011 nungi tenzüka Force India telok nung züngsemba sülen 2013 nung küm 1 asoshi Sauber nung züngsema liasü.
Tesülen, 2014 nungi tenzüka Force India telok nung tanaben züngsemba sülen Hulkenberg-i maneni iba telok nung züngsemtsü tenzüngzüktep tan agishir lir.
Hulkenberg-i tanü tashi nung points 24 ngua world championships takok marok agizüktsüpur tarensen nung 12 buba jenjang nung aliba osanga bushiteta lir.