Governor Acharya-i Easter salem metetdaktsür

Dimapur, Metsüremi (March) 31 (TYO): Nagaland Angh, P.B Acharya-i Nagaland nung alir ajak dangi Easter salem metetdaktsü.
Nagaland nung alirtemi Easter indang tetezü chichiba angatettsü aser temeim agi bendanga agütsüba bilemtettsü atema Governor Acharya-i ayongzük.
“Khrista-i tasü nungi shia arubaji temenen madak ochii takok anguba aser tesempatep dang nungi temeim tashi tuluba ta jungkai adoka sayur. Anungji nisung ajaki yimjung, putepa alitsü aser telongjem atema inyaktsü ayongzüker” ta paisa metetdaktsü.
Easter amungba ajanga nisung ajak dak temeim aser tai atokba tangatetba adoktsü imlar, ta Acharya-isa shisem.