Wb. Yashitsungba Aier asüba atema Muslim Council-i mangyimer

Dimapur, Rongchii (April) 04 (TYO): Dimapur nung kanga tongtibang nisung ka aser lokti atema mapa tajung jenti inyaksang, Wb. Yashitsungba Aier asüba osang angashia Muslim Council Dimapur (MCD)-i jashi mangyimer, ta tanü sangdong ka nung metetdaktsü.
Muslim nunger tenüng nung MCD working president, A Rahman-i Yashitsungba’er kibong den mangyim lemsateper aser iba ama mangyim mapang nung Tsüngremi parnok nem tashi agüjang ta sarasademtsür, ta metetdaktsü.
MCD-isa, asüri iba lima nung mapang tajung aika inyakba atema ajak takoksang Tsüngremi pa nem Kodak lima moajang ta sarasademtsüogo, ta paisa metetdaktsü.
“Pa joko alima nung meliaka aikati tatishitsü tajung agitsüsa pai tatishitsü tajung yutsüogo aser pai mangdang tajung yur mapa tajung inyakba ajanga tajangzük agitettsüsa aika toktsüogo,” ta MCD-isa metetdaktsü.