WWE Hall of Famer, Johnny Valiant truck agi tsükset

Rongchii 06, 2018 (Agencies): Taoba mapang WWE wrestler, manager aser television star “Luscious” Johnny Valiant süogo.
Arishi kümk 71 tain, Valiant tenüng shidakba bo Thomas Sullivan lir aser pa ya par ki aliba, Pennsylvania nung Yangtepnü lenmang ajangba mapang truck kati atsük.
Pa ya mozü kidang süogo ta sangdong. 1970s mapang Valiant ya WWE sabang nung pa indang adianu, Jimmy Valiant den külemi melangtepa aru.
Pa WWE wadang tembangba sülen Hulk Hogan aser Brutus Beefcake nunger indang manager ka ama inyaka aru.
Iba sülen pa ya television series, The Sopranos aser Law & Order amala nung tongti shilem agi.
“Luscious” Johnny Valiant arishi küm 71 nung iba lima nungi pilaba osang angashia kanga sasar, ta WWE ajanga Twitter nung zülutsü.
Osang kar ajanga ashiba agi, Valiant ya Pittsburgh jila nung aliba North Hills nung Yangtepnü lenmang ajangba mapang truck kati atsük, saka pa crossing point nung liasüba masü.
1970 mapang pai Jimmy Valiant, shidakba tenüng bo James Harold Fanning, den longjemer Valiant Brothers kümtet aser tenati championship aika koka liasü.
1980s nung management wadang tembangba sülen Valiant ya acting dangi meyip aser Mickey Rourke den 2008 küm The Wrestler film nunga shilem agi.