Manipur nung 640 kW indang solar rooftop systems enok

Imphal, Rongchii (April) 9 (Agencies): Hyderabad nung amenoka aliba Freyr Energy-i India aser Ghana nung solar dak sendakba maparen inyaker aser parnoki Manipur nung solar PV rooftop plants tembanga inyakba osang metetdaktsüogo.
Freyr Energy-i Manipur nung 600 kW indang solar PV rooftop plant yangluogo aser ibaji züngsema parnoki North East India nung 1 MW dak tema mapa inyaktetogo.
640 kW solar rooftop yangluba maparen nung sen crore 50 shi endok aser iba nung Manipur indang Central Agricultural University nunga 100 kW off-grid battery powered system dena lir.
Tanga rooftop systems enokba tesemtemji- the city convention center (100 kW); DM College (50 kW); Inner State bus terminal (100 kW); the National Sports Academy Hostel (100 kW); Khwairamband Bazaar (50 kW); Manipur State Film Development Society (50 kW); State Kala Academy (50 kW); aser Secured Office Complex (25 kW) lir.
Freyr-i ashiba agi solar plant tasentem jagi küm shia CO2 ton 2,500 shi kümzüktsü.