Dimapur district U-19 cricket asayamung tembangogo

Dimapur, Rongchii 09 (TYO): Dimapur District Cricket Association ajanga Nagaland Cricket Stadium, Sovima nung ayongzükba Dimapur District Under 19 cricket asayamung final nung Ram Janaki Higher Secondary School-i Hokaito Zhimomi Cricket Coaching Centre madak runs 29 agi akok.
Toss asaya nung RJHHS-i akok aser mezüng batting asütsü shimtet.
Over 25 nung RJHSS pur wicket 7 tashi out süa runs 162 yanglutet. Par telok nungi Atish-i runs 82 aser Ali-i runs 19 yanglu. Iba inning nung HZCCC nungi Renben aser Avishek nati wicket ana-na out sütsü.
Tanabuba inning nung HZCCC ya over 24.1 nung asayar ajak out asü aser parnoki runs 133 dang yanglutet. Par telok nungi Sonu-i runs 36 aser Das-i runs 27 yanglutet. RJHSS nungi Peasant-i wicket asem aser Rahul-i wicket ana agia asaya tembang.