Assam Rifle temi Wokha nung prongbong aser injang ngutet

Dimapur, Rongchii 11 (TYO): HQ IGAR (N) kübok Assam Rifle Wokha Battalion ajanga police densemer Upper Mt Tiyi Colony, Wokha nung Rongchii (April) 9, 2018 nü mita bushiba mapang ozüng alema amshiba prangbong aser injang ngutet.
Item osettem ya bore rifle 12, muzzle loaded rifle ana, Air gun ana, rifle butt tenet, prangbong/bomb yanglushiba nung amshiba metal cup asem, air gun spring pezü, hollow iron rod toku, 9mm pistol indang live round trok, point 22mm indang round ti, point 22 indang injang tazüng ti aser teka agi yangluba bomb ka liasü. Item ozüng alema amshiba osettem ya Wokha nung Upper Mt Tiyi Colony nung alir, L D Yanthan Lano’er kindang nungi ngutet saka ki kibur ya mangur.
Item prangbong aser injang ya Wokha Police Station nem agütsüogo aser maneni bushisüngdang asütsü atema FIR ka benokogo, ta osang ajanga ashi.