Assam Rifle aser police temi ganja lu raksatsü

Dimapur, Rongchii 11 (TYO): HQ IGAR (North) kübok Jalukie Battalion indang Assam Rifle den police aser Narcotic Department ajanga Peren district kübok Intangki Reserve Forest nung Rongchii (April) 11, 2018 nü operation agiba mapang tesem tulu ka nung ganja lu raksatsü.
Assam Rifle tem patrolling senzüba mapang Assam aser Nagaland nung kongshia ali acre trok nungi ti tsüngta nung ganja lu yima aliba ngutet. Assam Rifle ajanga iba osang ya Peren nung aliba police nem agütsü aser iba sülen yimdaklir densema mita bushi. Iba mapang Nagaland nung ali acre ana shi nung ganja lu yima aliba sen 1,60,000 jenjang raksaa indoktsü.