Maneni longkak aiter; Air France tayimtsü aika thinena ayu

Paris, Ronchii 11 (Agencies) : Russia nung Workers Union balalai itasen tujang ta tanü Rasemnü agi anogo tenet buba longkak aitba ajanga Air France tayimtsü noklang shilem nung 30 bo mejajadaktsüi thinena ayu.
Board ajanga latetja aliba nungi itasenji noklang shilem nung trok agi tujang ta workers union-temi akhanger; 2011 küm nungi tang tashi parnok itasen metutsüi sota lir.
Union-temi ashiba agi, parnok longkak aittsü tenzüker tang tashi nung Air France pur sen euro million 200 takoksa aluogo.
Len talangi aoba tayimtsütem noklang shilem nung 40 shi thinena ayu aser Paris yimti nung aliba Orly airport bushia aruba aser idak nung jagi aoba len tatsü nung jajaba tayimtsü noklang shilem nung 25 thinen.
Taoba Tsüklai (February) 22 nü nungi tenzüka mapang balala nung parnok longkak aita arur aser workers’ representatives o Air France management tsüngda senden balala mena ken o jembia aruogo saka tang tashi parnoki akahangba nung temulung süa telangzüba mangur, ta union-temisa jashia shiogo.