Kohima DPDB senden Rongchii 16 nung amentsü

Dimapur, Rongchii 12 (TYO): Rongchii (April) 2018 atema Kohima District Planning & Development Board senden aser Kohima district kübok tang tasen shimteta aliba MLA tem nem totushi agütsüba sentong ya DPDB indang Conference Hall, Kohima nung Rongchii 16, 2018 nü anüngdang 11:00 ako nung agitsü.
Iba sentong nung Deputy Commissioner aser DPDB Vice Chairman, Rajesh Soundararajan, IAS-i tepela o jembitsü aser Advisor Youth Resources & Sports aser DPDB mendenpuba, Er. Zale Neikha-i metetbela mapang agitsü.
DPDB inyakyim osang Deputy Commissioner Kohima-i agütsütsü aser Nagaland Chief Minister, Neiphiu Rio-ia iba sentong nung o jembitsü. Kasa sentong nung Kohima district kübok MLA temia mapang tatsütsü agia o jembitsü aser DPDB agenda tem benoka jembitsü.
DPDB züngsem ajungai iba senden nung arua adentsü metetdaktsür, ta Deputy Commissioner aser Vice Chairman DPDB Kohima ajanga sangdong ka nung metetdaktsü.